【愛上我的衰神】谷婭溦拍《我要和你在一起》MV　首次演劇被虐打：睇到劇本有點擔心

谷婭溦（Vivian）日前為自己有份主演的TVB劇《愛上我的衰神》內的插曲《我要和你在一起》拍攝MV。

《我要和你在一起》這首歌是Vivian和朋友一起作曲，她說：「今次係自己首次為劇集度身訂造歌曲，個劇本好有感染力，我睇完之後都比個故事感動，即刻寫咗呢首歌。好開心大家都鍾意首歌，仲讚好有感染力，歌詞又好配合劇中嘅畫面，呢隻MV響網上平台已經超過十萬收看次數，多謝大家。」

最新影片推介：潘靜文+林智樂專訪

因為今次這首歌較凄美，MV亦想呈現夢幻唯美的感覺：「導演拍攝時用咗好多投影嘅效果，有星空下嘅我，有捉唔到嘅蝴蝶，最犀利係一個好大嘅自己，而且要配合首歌，今次都要着返女性化一啲。」

至於Vivian在《愛上我的衰神》劇集處女作內，就要演被虐打的角色，她坦言：「睇到劇本時係有啲擔心，自己響拍劇方面係一個新人，呢個角色好高難度，好多謝監製大膽比機會我參與，終於親身體驗過，感受到做演員真係唔簡單，但係原來自己好鍾意好享受。」